無聊隨筆

 6月30日 星期五 陰 原來老人家一天跑8~10公里。我行路都無佢跑步咁遠。 今天和A步行到玫瑰山（來回3公里*2）。 上星期身痕在家試試『朱氏拉筋法』，發現躺下時左手舉過頭會痛，也就是五十肩? 症狀和2020年初病發的右手幾乎一模一樣但無咁嚴重：手臂伸直向上+後會痛、手臂伸直向斜上+後會巨痛、手臂不能向後彎向上。但不做以上動作不太痛，只是有些微不舒適。穿衣服除衣服無問題。 上次先去做浮針治療數次，稍有改善。但一星期辦公時間去三次的確有困難兼嫌貴，就無繼續。之後間斷拉筋/按摩，等咗差不多兩年自己好番。現在除了拉筋外，大概不會去做任向治療，希望今次不用這樣久啦。

 6月29日 星期四 陰 上午又在懶洋洋的渡過。 午飯後穿過整條高街(15分鐘單程)，去了星記超市。 英國食物的物價比香港便宜，尤其是本地食材。但一些小眾物品，即使在英國/歐洲生產，可昴貴得緊： 英國$9, 香港~$4。 英國$37.5, 香港~$15。 英國$100, 香港~$50。 回家發現電腦出了問題：登入Windows之後2分鐘就無法用Browser去任向網站，無論Chrome, Edge, Firefox 都一樣。nslookup 無問題，ping 無問題，連上Online game 都無問題。No clues。 重設Network Setting, 無效；Windows update 都行到，落哂patch，都唔得。 用手機上網查，十之八九都係『你有無駁線』之類的解答！😁 試行Virtual Box起唔到，話Network Connection Error。再reboot 在黃金2分鐘之內起機，成功了。在Virtual Box入面的Browser 找答案比用手機舒服。有人提議是Windows user setting 的問題，可以開個新user 試試。於是export Windows registry setting，想再開新user 試一吓，但晚飯時間到了。 飯後埋位開Chrome，竟然無問題！reboot再試，都無問題！ 部機自己好番！ 咁就無咗半日。

​6 月28日 星期三 晴 計劃中的退休生活，應該是每日做家務、看書（之前在香港買了好多書未看）、學習一些新IT技能和做運動。但實際上每天幾乎都在遊手好閒之中渡過（虛耗大量時間上網、看網台節目同玩舊電腦遊戲）。遂決定每日花半小時寫點東西，以激勵自己和作個紀錄。 今日A不舒服，於是午餐煮粥。終於明白點解次次煮粥都唔夠水（爲此某IT人還去看電飯煲操作手冊）：原來嬰兒粥不是粥！😂 下午步行都玫瑰山（單程40分鐘）。 點解英國路邊扶手的花靚過香港的？